JavaScript är inaktiverat i webbläsaren, läs mer här.

Viranomhaisen päätös

Se joka ei ole tytyväinen viranomhaisen päätöksheen saattaa valittaa päätöksestä hallinto-oikeutheen. Saat valittaa päätöksestä jos se koskee sinua ja päätös oon sinua vasthaan.

Kaiken tyyppiset päätökset ei ole semmosia ette niistä saattaa valittaa, esim. viranomhaisen päätös tehhä vissin toihmeenpanon ko jotaki asiaa käsitelhään. Hallinto-oikeutheen saatat valittaa päätöksistä jokka esimerkiksi Siukkakassa, Verolaitos, Migrasjuunilaitos eli kunnan sosiaalipalvelu oon tehny. Hallinto-oikeuen tuomiosta saattaa valittaa kamarioikeutheen.

Klikkaa eri vaihtoehtoja tässä vasemalla ja lue niistä enämpi.




Senast ändrad: 2010-03-08